Арыгінальныя падарункі на 23 лютага, 8 Сакавіка!
Выстава-продаж сувеніраў ручной работы «Цудоўны настрой» нядаўна адкрылася ў мастацкай галерэі Сяргея Давідовіча. Яна будзе працаваць да 10 сакавіка.
Тут прапануюць лагайчанам і гасцям горада арыгінальныя падарункі на 23 лютага, 8 Сакавіка і іншыя ўрачыстасці. Аўтарамі сувеніраў з’яўляюцца майстры, якія працуюць у самых розных тэхніках.
Аўтарскія ўпрыгажэнні, вязаныя цацкі, тэкстыльныя вырабы дэкаратыўнага і гаспадарчага прызначэння, магніты, карціны, сумкі-шоперы, утульныя карункавыя шалі – падарункі на любы густ і кошт. Таму, калі яшчэ вы не вырашылі, як павіншаваць сваіх родных і сяброў, магчыма, выстава ў галерэі вам у гэтым дапаможа.